NANG makarating sila Polla at Sam sa condo ay kaagad na nag-order si Sam ng tanghalian nila. Nasa loob na sila ngayon ng condo at hindi napigilang umikot ang paningin ni Polla sa buong sala ng condo na kahit ilang-taon na siyang hindi nakakapunta sa lugar na iyon ay wala pa ring kahit ‘konting nagbago.
Hindi gaanong maraming gamit sa sala. Tamang TV, speaker, sofa at center table lang ang nandoon at ang kulay ng pader sa buong bahay ay kulay puti na magaan naman sa mga mata. Dito sila ni Sam tumuloy noon matapos ang kasal nila at sa lugar ding ito naganap ang kasunduan nila at unang pagtatalik nilang mag-asawa.
Dapat talaga hindi sila magtatagal dito at sa ibang bansa sila magha-honey-moon saka ang alam niya hindi ito ang magiging bahay nila ni Sam. Pansamantala lang dahil magpapatayo r
