“Sigurado ka bang hindi na natin kailangang itago ang relasyon natin?” nababahalang tanong ni Proserpina kay Hades.
Binabagtas ng Carpathian Grey, Land Rover ang mahabang kalsada patungong Vasileía. Nasa backseat silang dalawa ng dalaga, at nasa harapan si Lukas katabi ng personal niyang driver na si Javier.
Minasdan niyang maigi si Proserpina. Alam niyang pareho lang sila ng inaalala nito, pero ano ba ang magagawa niya? Nalantad na sa publiko ang tungkol sa kanilang dalawa. Kahit na ilang ulit o ilang libong beses pa niyang itanggi ay napipiho niyang minarkahan na ito ng mga tao at maging ng mga kalaban niya bilang taong may espesyal na kaugnayan sa kanya, na potensyal na gamitin ng mga ito laban sa kanya.
Malinaw sa mga kuha sa litrato na mahalaga sa kanya ang dalaga. Bakit? Dahil wal
