Napasinghap at napapikit si Proserpina nang salubungin siya ng kaliwa’t kanang kislap ng mga camera. Iyon ay pagkababang-pagkababa nila ng basement dahil pauwi na sana sila. Ang palaging tahimik na basement ay sobrang ingay ngayon mula sa mga pitik ng camera at mga taong hindi pamilyar sa kanya na nagpipilit makalapit.
Alisto ang tatlong bodyguards ni Hades na pinalibutan agad siya upang hindi siya kuyugin ng paparazzi. Ngayon siya nagpapasalamat kung bakit sobrang lalaking tao ng mga bodyguards ng CEO. Gayunman ay hindi naging sapat iyon upang mapayapa ang dibdib niya.
Natakot siya. Nabigla. Natensyon. Hindi siya sanay sa atensyong ibinubuhos sa kanya ngayon. Para siyang sisiw na itinulak sa gitna ng maulang kalangitan at binuhusan pa ng malamig na tubig.
Itinaas niya ang kamay at inih
