جعلنى ملتزمة

الفصل الرابع

" بسم الله الرحمن الرحيم "

( جعلنى ملتزمة )

/البارت الرابع /

انا مش مصدقة نفسي يامنى انا هطير من الفرحة يااااه الحمدلله يارب غمة وانزاحت تحدثت شذى بهذا الكلمات بفرحة شديدة وهى تمشى جوار منى صديقتها بعدما خرجو الاثنان من عيادة الطبيبة التى كانت ستقوم بااجراء العملية للشذى

ردت منى عليها بسعادة وهى تحتضنها وتحمد ربها الحمدلله يا شذى اننا اطمنا وطلعتى كووويسة والحيوان دة طلع مقربش منك ومعملكيش حاجة الكلب دة ثم اكملت بتحذير وهى ترفع احدى اصابعها الى وجهها وتقول المهم تخلى بالك بعد كدة من نفسك ومتثقيش فااى حد تانى ولا تامنى لحد ولاهم انك تقطعى علاقتك خالص بالقذر الى اسمو اياد زفت دة نهائى المرادى الحمدلله جات سليمة وتقريبا فقد وعيو قبل مايدمرك المرة الجاية مفيش مفر وممكن الفاس تقع ف الراس وتلاقى نفسك ف مصيبة ياشذى

ردت شذى بلا مبالاة وهى شاردة ماشى يا منى حاضر اوووعدك انى هقطع علاقتى بية نهائي يلا باى بقا انا همشي دلوقتي محتاجة افصل شوية عن كل الى شفتو اليومين الى فاتو دول دمرولى اعصابى وكنت حرفيا بموت بالبطئ هروح اروق ع حالى شوية واهدى اعصابى الى تلفت دى

منى بتسال انتى راحة فين مش هتروحى ولا اية ياشذى ؟!

نطقت شذى ببرود لا انا راحة الديسكو اسهر وافرفش شوية اليومين اللى فاتو دول كنت مخنوقة وكئيبة اوووى اوى وعاوزة افك عن نفسي وافرفش شووية

منى بصدمة ديسكو تانى يا شذى تانى ديسكو لا انتى بجد اتهبلتى وشكلك مش هتتعدلى غير لما يجرالك حاجة وساعتها هتخسرى نفسك وكل الي حوليكى بسبب طيشك واستهتارك دة

شذى وكانها لم تسمع منها حرف بقولك اية يامنى ماتيجى تروحى معايا تغيرى جو وتفكك من الكلام دة تعالى ننبسط شوية انت بردو ليكى يومين معايا واكيد تعبتى

ردت منى عليها بعتراض لا ياختى انا اخرى اروح النادى اروح مطعم امشى ع النيل انما ديسكوهات وسهر لنص اليل وكلام فاضي من دة مليش فية دنا اخويا لو شافنى ف مكان زى دة احتمال يقطعنى حتت حتت ويرمينى للقطط والكلاب بتوع الشارع ؛

شذى؛ بعدم اكتراث لكلماتها طيب برحتك خليكى كدة ديما جبانى وبتخافى من اخوكى دة هروح انا بقى عاوزة منى حاجة ؟

منى بنفاذ صبر وهى تطالعها بعصبية؛ لا ياشذى اتفضلى مش همنعك تروحى اصلا طول عمرك عنيدة وبتعملى الى فدماغك مهما الكل نصحوكى ومبتتعلميش من غلطك براحتك يا شذى خليكى كدة لحد ماتضيعى نفسك

القت ما القت ثم تركتها ورحلت !

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

يااااااة ياابية الخروجة كانت حلوة بششكل ربنا يخليك ليا يارب وديما تخرجنى وتفسحنى وتبسطنى كدة على طول

نطق عبد الرحمن بحب ويخليكى ليا يا حبيبت اخوكى ويقدرنى ديما واسعدك واحققلك الى نفسم فية يلا انزلى بقا اطلعى الشقة وخدى الاكل دة ف ايدك حطية على السفرة لحد ماااركن العربية واطلع وراكى نتعشى يوى

حياة حااااضر يااحلى ابية ف المجرة ثم اخذت الاكياس وذهبت الى حيث شقتهم ؛ وما ان بدئت تخطى اول درجة من درجات السلم قابلة نهلة جارتهم فاالقت عليها التحية بفرح لرايتها ؛ نهولة ازيك ياحببتى عاملة اية وحشانى مش بشوفك لية

ردت عليها نهلة ببتسامة رقيقة الحمدلله يا حياة انتى عاملة اية وحشانى اكتر والله

حياة بمرح اهو ياستى زى القردة قدامك اهو

ابتسمت لها نهلة بهدوء وكادت ان ترد ولاكن منعها صوت اخيها يااتى من خلفها ليردف بصوت هادء معلش اتاااخرت عليكى يانهلة

التفت نهلة الي اخيها النازل من فوق واجابت برزانة لا ابدا ياحبيبي اصلا كنت واقفة بتكلم معا حياه شوية ومخدتش بالى انك اخرت ؛

اخفضت حياة رسها لاسفل بحرج ونطقت باارتباك وصوت يكاد ان يسمع ط طب عن اذنك يانهلة انا هطلع وابقي اكلمك بعدين

نهلة ؛ ببسمة ماشي ياحببتى اتفضلي

نطق ماذن بشرود وهو ينظر لاثرها الراحل ها يلا يانهلة نمشى ولا اية

نهلة بغمزة وهى تنظر لاخاها يلا يا ميزو

كادو ان يخرجو من باب العمارة لاكنهم وجدو عبد الرحمن يدخل هو الاخر

نطق عبد الرحمن بالترحيب حينا راى ماذن ابو المزاميز اذيك ياراجل ما بنشوفكش من زمان يعنى فينك كدة

رد علية مازن ببسمة ودودة ازيك انت يا دكتور عامل اية ؟

عبد الرحمن بخير الحمدلله انت اخبارك اية

اجابة ماذن بهدوء الحمدلله كلو تمام بفضل الله ثم اكمل ناطقا ببعض التوتر بس كنت عاوز اقولك انى عايز اجيلك اشرب معاك الشاى بكرة

رد عبد الرحمن بترحيب؛ تنور وتاانس ياحبيبى فاى وقت

ابتسم لة ماذن واردف خلاص باذن الله بكرة بعد العشا هجيلك

نطق عبدالرحمن برزانة اتفقنا ياحبيبي هستناك

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

فى الملهلى اليلى

دلفت شذى بخطوات واثقة مغترة وجلست ع البار الذى يجلس علية كثير من الناس ثم طلبت مشروب

اتى النادل لها بما طلبتة وظلت تحتسى الشراب

وهى فى عالم اخر تفكر فيما كاد ان يفعلة بها هذة الندل وفجائة رائتة يقف امامها وبدء يتكلم بسخرية لكى يستفزها وينشب بينهما عراك يؤدى الى فضحها امام العامة هنا

اية دا الحلوة مخدتش غير يومين بس بكاء على الاطلال ورجعت تانى للبار والشرب لا دة شكل الموضوع عجبك بقى وعاوزة تجربى تانى ثم اضاف غامزا وانا معنديش اى مانع نكررها تانى بس المرادى واحنا فايقين عشان نستمتع اكتر

نظرت هى له بشمئزاز ونطقت بحدة وهى تقف امامة بتحدى واضح غور ياض انت من وشى عشان انا مش طايقة اشوف خلقتك قصادى ولو مبعدتش عنى السعادى هخلي الي مايشترى يتف*ج عليك ياحيلتها

رد اياد ضاحكا بسخرية لا دى القطة بقت بتخربش وبتعرف تتكلم كمان اية ياحلوة مالك مستنية حد تانى تقضى معاه الليلة دى ولا اية اها منا فتحتلك الطريق عشان تعطى براحتك ثم ان بعد كدة تتكلمى معايا باادب عشان انا الى ممكن اخلى الناس كلها تعرف حقيقتك وافضحك هنا وبرة كمان ياحلوة فاااتلمى كدة واعرفى انتى بتكلمى مين !؟

قامت شذى من مكانها وعفريت الدنيا بتطنطت فى وشها من كلامة وبكل قوتها راحت ضرباة بالقلم على وشة وقالتلة لو قربت منى تانى مرة او شوفتنى فااى مكان وجيت عندى او نطقت بكلمة وحدة عنى انا هقتلك يا اياد هقتلك انت فاهم ياحيوان ثم تركتة وذهبت: .

اياد بتوعد وهو يضع يداه على خدة وينظر اليها بحقد وهى ترحل يا بنت ال.. ان مربيتك ع القلم دة وخليت حياتك سودة مبقاش انا اياد المنصورى ياشذى بس صبرك عليا

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

اهلا اهلا يا ماذن نورتنا يا راجل

اردف بها عبد الرحمن وهو يفسح الطريق لماذن كى يدخل اللى غرفة الاستقبال

ماذن بمحبة دة نورك ياعبدو والله

عبد الرحمن تسلم ياغلى قولى بقا تشرب اية

ماذن لا ولا حاجة انا جايلك ف موضوع كدة على الواقف وهمشى ع طول

عبد الرحمن بعتاب اية يا راجل انت بخيل ولا اية بقا تيجى بيتى ومتشربش فى حاجة دة حتى بيقولو اكرام الضيف ولجب

اصبر بس انا هروح اجبلنا كوبايتين عناب يروقو علينا من الحر دة وبعدين قول اللى انت عاوزة

ابتسم له ماذن واردف تمام

بعد مدة قصير اتى عبد الرحمن بالمشروب وقدمة ل ماذن ثم اردف بهدوء

ها ياسيدى قولى بقا اية الموضوع اللى كنت عاوزنى فية ومستعجل اووى دة

ماذن برتباك وتردد احم احم بص ياعبدالرحمن بصراحة كدة انا جاى اطلب منك ايد الانسة حياة على سنة الله ورسولة ثم انتظر ان يجيب علية لاكنة سكت بعض الوقت ثم اردف

عبد الرحمن ببسمة هادئة وهو ينظر له وانا يشرفنى انى اد*ك اختى ياماذن ومش هلاقيلها احسن منك ولا هاامن علي حياة مع حد زيك كفاية اننا متربيين سوى وعرفين اصلك وفصلك وتربيتك بس لازم طبعا اخد راى حياة الاول والي فية الخير يقدمة ربنا ؛ بس انا عن نفسى مش معترض وموافق جداا

ابتهج ماذن من كلمات عبدالرحمن وردة عليه اراح قلبة وعقلة ثم اردف بتوعد وانا اوعدك يا عبد الرحمن لو حصل نصيب باذن الله انى هكون عند حسن ظنك بيا وانى هعمل حياى بما يرضى الله وهشيلها فعنيا ؛ خد رايها وبلغنى عشان اجيب ولدى وولدتى ونقراء الفاتحة

نطق عبد الرحمن بهدوء ونا واثق فيك وعارف انك قد كلمتك ياماذن وان شاء الله انا هاخد رايها وهبلغك باقرب وقت

ماذن باذن الله اقوم انا بقا تصبح ع خير

عبد الرحمن مودعا وانت من اهلة .

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

تانى يووووووووووووووووم ف الجاااامعة

حياة ببسمة وهى تعانق شذى بشددة وحشانى اووووى اوووووى ياوحشة اسبوع ماشوفكيش ولا اسمع صوتك انا بجد زعلانة منك اووى ياشذى هانم

شذى وهى تحتضنها بشدة وتربط ع ظهرها انتى عارفة ان زعلك غالى عندى اوى وانى مش بيهوم عليا زعلك عشان خاطرى متزعليش منى والله كنت تعبانة شوية ومقدرتش اكلمك حقك عليا ياحيااتى انتى

حياة بحب وهى تنظر لها الف سلامة عليكى ياحببتى خلاص مش زعلانة منك اصلا مقدرش ازعل منك ياشذايا بس اوعى تعملى كدة تانى وتبعدى كدة وتقولي عدووولي هموتك

شذى بمرح اوعدك ياقلبى مش هعمل كدة تانى

حياى بمزاح احنا قلبناها محن كدة لية وشوية وهنقلب ع نور ومهند

يلا ياختى نلحق المحاضرة احسن لو الدكتورة دخلت قبلنا هتعمل مننا فراخ بانية

شذى بضحك يلا ياختى انا مش ناقصة الى فيا مكفينى اصلا ثم ذهبو ثنانيهم الى المحاضرة

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

تفتكرووووووو اية الى هيحصل مع شذى ف الحلقات الجاية

فكرو وقولولى هستنى رايكم على البارت دة واتمنى يعجبكم وتشجعونى اكمل

قرائة ممتعة للجميع

#جعلنى_ملتزمة

#اسراء_جمال