جعلنى ملتزمة

الفصل الخامس

" بسم الله الرحمن الرحيم "

( جعلنى ملتزمة )

/البارت الخامس /

عادت حياة الى المنزل وتوضائت وصلت فرضها وذهبت اللى المطبخ كى تعد طعام الغذاء لاخيها

بعد وقت قليل وهى تضع اخر طبق ع السفرة ؛ اتى اليها عبدالرحمن وجلس على السفرة ثم تحدث لكى يشا**ها ياااة على الروايح الجميلة دى هناكل من هنا وندخل الانعاش من هنا

نظر له حياة بغيظ ثم اردفت بزعل مصطنع كدة ياعبدو بقا انا اكلى هيود*ك الانعاش ثم اكملت بشقاوة طب انا زحلانة منك خالص ومخمصاك كمان بس ها ؛

"عبد الرحمن" بضحكة عالية لا لا مقدرش على زعل حياتى ابدا دا انتى ست بيت مية مية ولا تزعلى نفسك واكلك عشرة على عشرة محدش يعرف يعمل زيو ابدااا !

حياة بفرح طفولى وهى تسقف ع يديها هيييييي يعنى انا شطورة واكلى حلو

عبد الرحمن بضحك على افعال شقيقتة الذى توحى باانها مازالت طفلة صغيرة كلمة تزعلها وكلمة اخرى تجعلها تطير فرحا دا انا لسة بمدح فيكى وبقول عليكى ست بيت وكلام كبير وكدة فجاة تتحولى لطفلة

حياة بضحك طاااب كل بس وقولى رايك بس باامانة

ماشى ياستى بسم الله ثم بداء فى تناول الطعام واثناء تناولة لطعامة تذكر طلب ماذن منة فنطق ليحادث شقيقتى بقولك يا حياة فى موضوع كدة عاوز اكلمك فية من فترة ومجتش فرصة

حياة بنتباة له موضوع اية ياعبدو يااارب يكون اللى فبالى يااارب كانت تقصد انه سيفاتحها بموضوع خطبته

نطق "عبد الرحمن" بستغراب واية بقا يا فصيحة اللى فى بالك

ردت حياة ببسمة الموضوع اللى ياما كلمتك فية خطوبتك انت ونهلة

نطق هو بضيق تانى ياحياة مش انا قولتلك انا مش هتجوز غير لما اطمن عليكى واسلمك باايدى للرجل الى يصونك ويخاف عليكى واكون شايفك مرتاحة فبيتك وسعيدة

حياة بتفكير و بقلة حيلة طيب ياعبدو و احنا هنجيب الراجل دة منين دلوقتى اذا كان هو لسة مجاش لحد دلوقتى هتفضل كدة مستنى افرض مجاش غير ونا ف 30 مثلا توقف انت حياتك يعنى عشان خاطرى

رد عبد الرحمن بغمزة لا مهو خلاص جة ياحياتى وشكلى هفرح بيكى قريب يااختى

حياة بعدم فهم جة جة اذاى يعنى مش فاهمة

"عبد الرحمن "ماهو دة الموضوع اللى عاوز افاتحك فية من الصبح وحضرتك مش مديانى فرصة انى اتكلم واقولك نازلة لوكلك لوكلك من الصبح المهم الموضوع ان ماذن ابن عم اسماعيل جارنا اخو نهلة عرفاها طبعا طلبك منى وعاوز يتجوزك والرجل احنا عرفينة مهندس و كويس و محترم ومتربى واهلة ونعم الاهل غير كل دة ملتزم و عارف ربنا كويس وانا بصراحة قولتلة انى موافق بس الراى الاول و الاخير ليكى وهشورك وارد علية ها يا حياة قولتى اية تصلى استخارة وتشوفى فى قبول ولا لاء وارفض على طووول

ردت "حياة" بخجل هفكر وهصلى استخارة وبعدها اقولك ردى ياعبدو اذا كنت موافقة او لاء

نظر لها عبد الرحمن بمحبة واردف ماشى ياحببتى فكرى براحتك وعلى مهلك انا عن نفسى مش مستعجل ع الرد ثم اكمل بمرح ماذن هو الى مستعجل خلينا نجننو شوية ?

★★★★★★★★★

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

شذى الو ايوا ياحياة ازيك ياقلبى عاملة اية

حياة ببسمة الحمدلله ياشذايا عاملة اية انتى

شذى بمرح كويسة ياحياتى بقولك انا ومنى هنروح النادى اى رايك تيجى معانا شوييية تغيرى جو

ردت عليها "حياة " بهدوء مش هقدر والله ياشذى اعذرينى انتى عارفة ان عبدو مابيرداش يخرجنى لوحدى لازم اكون معاه عشان يبقى مطمن عليا

نطقت "شذى" بضيق انا مش عارفة اخوكى دة عقليتة متخلفة كدة لية ما كل البنات بتخرج لوحدها عادى مبيتخطفوش يعنى دة ماڤور اوووى الصراحة وقافل عليكى خالص الله يعينك علية

ردت عليها "حياة " بضيق مماثل شذى بلاش تتكلمى عن عبد الرحمن كدة عبدو مش عقلية متخلفة دة دكتور فى الجامعة يعنى عقليتة متفتحة ومتفتحة اوووى كمان كل الحكاية انو بيخاف عليا جدا وانا مش برضى ازعلو ومقدرة خوفو دة عليا دة هو الى مربينى ياشذى يعنى يعتبر ابويا مش اخويا وبس ولازم اسمع كلامة واقدر خوفة دة

وبعدين انتى عارفة انى يوم الجمعة بروح اصلى ف المسجد وبحضر الدرس وبعدها بطلع انا وعبدو نزور الاطفال الايتام ف الملجىء

شذى بهدوء خلاص يا حياة متزعليش منى مكنتش اقصد والله كل الحكاية انى كنت عاوزة اقعد اتكلم معاكى اكتر فى الجامعة مش بنلحق نتكلم المحاضرات كلها بتكون ورى بعض

تفهمت حياة موقفها فااردفت بمرح خلاص ياستى انا مش زعلانة وبعدين هستاذن من عبدو فى يوم ونتفق ونخرج سوى انا وانتى اتفقنا

شذى بفرح اتفقنا ياصاحبي

حياة بضحك هههههه ماشى ياصاحبي هقفل انا بقا عشان اروح اصحى عبدو يروح يلحق الصلاة اول مرة يتاخر كدة فى النوم

شذى بهزار ولا كانك مراتة والله دا لو متجوز مكنش هيدلع الدلع دة كلو

حياة بضحك ماشى اما اشوفك يا شذى بتتريقى عليا

شذى بضحك لا ياستى ابدا يلا روحى صحى روميو ياچوليت سلام

حياة ببسمة سلام ياحببتى

قفلت حياة مع شذى وتوجهة الى غرفة شقيقها كى تيقظة ليؤدى فريضتة

★★★★★★★★★★

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

(فى النادى )

كانت شذى وصديقتها منى يجلسون على احدى الطاولات القريبة من حمام السباحة يتبادلان الكلمات والضحكات العالية

لمحهم اياد فااقترب منهم واردف

ببسمة صفرا بانت بها حقدة وغلة على شذى ؛ ازيك يا شذى هانم ثم نظر لمنى واردف بهدوء ازيك يامنى

شذى بقرف وهى تنظر له اهلا

نطقت منى هى الاخرى بسخرية مكملة باقى جملة شذى وسهلا

رد اياد عليهم بسخرية ما لكم فى اية شوفتو عفريت بتتكلمو من تحت درسكم كدة لية هو دة ترحيب ولا دور راية وسكينة

شذى وهى تقف امامة اها شوفنا عفريت وبصراحة كدة وجودك غير مرحب بية هنا ولو ممشتش من هنا حالا هنوريك راية وسكينة على حق بقا المرادى

اياد بستهزاء والله ودا من امتى دا ياست شذى

نطقت منى باانفعال من دلوقتى يااياد باشا ولو سمحا مالكش دعوة با شذى وخليك فى حالك وسيبها فى حالها عشان ثم اكملت بتهديد عشان لاتعور ولا تتعور

"اياد " بسخرية اية هتعملو اية يعنى هتضربونى مثلا صدقى خوووفت منكم خالص وهبعد انا كدة وهخلينى فى حالى واسيبها فى حالها زى مابتقولى

ردت "شذى" بستهزاء لما نطق هو اها هو كدة اقولك هعمل زى ماعملت اخر مرة فاكر ولا افكرك دلوقتي هنا قدام الناس والمجتمع الراقى بتاع مامى وبابي وسرتك كلها تبقي على كل لسان ثم اكملت بمياعة

فاكر ياايدو ولا نسيت ياحبيبي

رد اياد بعصبية وهو يضع يده على خدة فاكر فاكر اوووى ومش ممكن انسى واوعدك هيتردلك فى اقرب وقت ياشذى وهتشوفى ساعتها ضربتى الاقوى ولا القلم بتاعك ثم تركهم ورحل

شذى بانفعال وهو يرحل يلا فى ستين داهية تاخدك .

حاولت منى تهداتها فنطقت سيبك منو دة غتت وتلم ولا يقدر يعمل حاجة بؤ على الفاضى

ردت شذى بهدوء حرقلى اعصابى تعالى ننزل البسين نعوم شوية خلينا نفك عن نفسنا بدل حرقة الدم دى

منى بحماس اوووك يلا بينا .

★★★★★★★★★★★★

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

فى المساء ف منزل حياة بعد ما عادو من الملجئ

حياة ببسمة يااااة متتخيلش ياعبد الرحمن ببقا مبسوطة اد اية وانا فوسط الاطفال وبلعب معاهم وببقى مستنية يوووم الجمعة ييجى بفارغ الصبر عشان اروح اشوفهم

عبد الرحمن ببسمة اكبر ونا كمان يا حياة ببقا فرحان اوووى اوووى وانا معاهم الاطفال دول وانا معاهم بحس انى طفل زيهم بجرى وبلعب وببقى مبسوط يمكن اكتر منهم

حياة ببسمة ربنا يسعدك ويفرحك على طول ياحبيبي يلا ادخل غير هدومك على بال ما اجهز السفرة عشان نتعشى سوى

عبد الرحمن ماشى

واثناء دخولة الى غرفتة تذكر شئ ف عاد سريعا وقال حياة صحيح كنت عاوز اسالك ع ردك ف موضوع ماذن فات اسبوع ومقولتليش رايك اية

وهو سالنى النهاردة ف المسجد وقولتلة هرد عليك بكرة فاعاوز رد ياحياة ميصحش الراجل يفضل منتظر كل دة يااما نقولة اها ياما لا عشان يشوف حياتة ولا اية ؟!

نطق حياة بخجل وارتباك عندك حق ياابية

طب اية اقولة اية بكرة

حياة .... الى تشوفة ياعبدو بقا

عبدالرحمن بجدية زائفة تمام ياحياه هبلغة بعدم موافقتك

تسمرت حياة مكانها اثر الصدمة ووجها صار الوان على ماتفوة به اخيها للتو فى لم تقل هذى قط

نطق عبد الرحمن بضحكة عالية الله الله على ال**وف ياناس والوش الى احمر وبقا شبهه الطماطم افهم من كدة ان السكوت علامة الرضا ولا علامة الشتيمة فى السر

حياة وخدودها بقو عبارة عن حباية فرولة الى تشوفة بقا يا ابية وجريت من قدامة دخلت المطبخ

نطق عبد الرحمن ببتسامة وصوت عالى يبقى ع خيرة الله هبلغة اننا موافقين

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

تفتكرررررو اية هيحصل ف الحلقات الجاية ومصير حياة وشذى وعبدالرحمن اييية يلا اكتبولى توقعاتكم ليهم وحياتهم الجاية هتكون عاملة ازاى

واستنو الحلقات الجاية كلها اثارة وتشويق

بس كمان عاوزة اعرف رايكم ف الحلقات الى فاتت عشان رايكم بيشجعنى ويخلينى اكمل

#جعلنى_ملتزمة

#اسراء_جمال