"Mainit pa rin ang ulo mo?" sita ni Samir nang pumasok siya sa opisina at inihagis ang telepono ni Yana sa mesa niya. Hindi niya napansin na nasa sofa ang kapatid hawak ang latest issue ng isang business magazine.
"Masisiraan yata ako ng bait sa asawa kong 'yan!" Tinanggal niya ang coat at isinabit sa sandalan ng silya. Ibinagsak rin niya ang katawan roon.
"What do you expect? Bukod sa hindi ka niya maalala, mabigat ang kaalamang kasal pa kayo. You need a lot of patience with your wife. Bata pa 'yan, sadyang matigas ang ulo."
"Parang hindi naman ganyan si Gia noon," katwiran niya.
"You wouldn't love her if she's like my wife," ganting katwiran ni Samir. "Baka nga sa katarayan ni Yana ka na-attract eh."
Isang pilit na ngiti ang isinagot niya sa pambubuska ng kapatid. Lagi naman
