Isang magarang silid ang bumungad kay Yana nang buksan ni Raji ang katabing kwarto. Salamin ang dingding kung saan matatanaw ang malawak na siyudad ng Makati. Mamahalin ang lahat ng gamit, puti ang karamihan ng muebles, at pangbabae ang motif ng silid. She was overwhelmed. Mula sa simpleng estudyante ng universidad dati, paanong ngayon ay may asawa na pala siya na nagmamay-ari ng isang malaking kumpanya?
"Bukas na lang kita ihaharap sa meeting para makilala mo ang ibang empleyado. And of course, my brothers who are also working here. Ililibot muna kita ngayon sa opisina at i-introduce sa 'yo ang pasikot-sikot sa kumpanya.
"This is too much."
"I know. Pero kaya mo 'yan. Hindi naman kita bibiglain sa posisyon na 'yan kaya't aalalay ako sa 'yo ng ilang linggo."
Hindi naman ang trabaho ang
