"HINDI na yata kita nakitang ngumiti mula nang pauwiin mo 'yang asawa mo dito?" tanong ni Samir nang abutan na naman siya nitong umiinom ng alak sa komedor. Nanginginig pa rin ang kalamnan niya sa galit mula kaninang makita niya kung paano hinalikan ng lalaking 'yun ang asawa niya. He knew it. Sa paglilihim ni Yana sa kanya ng telepono, alam niyang ang Roniel na 'yun na naman ang kinakausap nito.
At hindi siya nagkamali ng hinala na magkikita ang dalawa kaya't nagpaalam si Yana na dadaan ng mall kung sakaling hindi niya ito maisasabay pauwi sa bahay. Ngayon ay alam niya na ang pakiramdam ng pinagtataksilan ng asawa. Their mother cheated on their father when they were still young. Hindi niya maintindihan noon kung bakit hindi mapatawad ng Papa niya ang Mama niya kahit ilang beses na
