"Kinasal ka na pala? Nahuli na pala ako..." malungkot na sabi ni Raven.
Huminga ng malalim si Madeline sabay tango. "Oo... pasensya ka na kung hindi ko nagawang suklian ang pagmamahal mo. Hindi naman kasi natuturuan ang puso kung sino ang mamahalin nito. At alam kong alam mo iyon. Sa unang pagkikita pa lang namin ni Lawrence, nahulog na ako kaagad. At mas lalo ko pa siyang minahal dahil sa pagiging mabuti niyang tao. At isa pa, mas gusto ko kasi iyong matanda sa akin. Dahil mas masarap magmahal. Parang baby ako..."
Malungkot naman tumango si Raven. "Sabagay, ganoon naman talaga. Hindi mo malalaman kung kailan ka mahuhulog sa isang tao... dahil ang pag- ibig ay sadyang mahiwaga. Pero masaya naman ako para sa iyo dahil nahanap mo na ang lalaking magmamahal sa iyo ng buong puso. At sa nakik
