Napaisip si Baste sa tanong na iyon ni Andrea. Hindi niya malaman kung ano ang sasabihin. Balak pa naman din sana niyang muling puntahan si Red.
"Baste, nariyan ka pa ba?" tanong muli nito sa kanya nang marahil ay nainip sa sagot niya.
"Bakit ba sana? Titingnan ko muna. Hindi ko pa kasi alam kung may mga activity akong gagawin," pagdadahilan niya rito.
"Ahmmm… birthday kasi ng kapatid ko sa Sunday. I-invite sana kita… K-kung free ka lamang naman."
"Ganoon ba? Itse-check ko muna kung wala akong pupuntahan."
"Darating din si Red," wika nito.
"Ha? Saan ba gaganapin ang birthday?"
"Sus! Narinig lamang ang pangalan na Red. Biglang naging interested," kantyaw nito sa kanya.
"Hehehe." Mabuti na lamang at hindi niya kausap ng personal ang dalaga. Kung hindi ay nakita na nito ang pamumula
