Nakauwi na si Sebastian ng bahay. Dahil medyo malalim na ang gabi siyang nakauwi ay hindi na niya dinatnan na gising ang kanyang mga magulang. Pumanhik na siya sa kanyang kwarto at doon ay nahiga. Hindi niya maiwasan na mapangiti ang kanyang mga labi kapag naaalala niya ang dalaga. Lalo pa at tuksong bumabalik sa alaala niya ang imahe nito. Hindi sa binabastos niya si Red pero parang nakaukit na sa isipan niya ang imahe nito na hubo at hubad. Memorya na rin niya ang maamong mukha nito. Sobrang nakaka-inspired ang buhay niya ngayon. Hindi talaga niya akalain na ang mga nangyari nang nagdaang araw ay nangyari talaga. Wala naman sa isip niya ang magkaroon sila ng intimate na eksena ni Red dahil totoong iginagalang niya ito kaya naman handa sana siyang maghintay kung hindi pa muna sila hahanto
