Napagkasunduan nilang dalawa na magbabiyahe na sila ng gabi ng sabado para bukas ng linggo ay maaga silang makapunta sa Ocean Park. Pagkatapos ay magtutungo sila sa Zoo.
"Baste, saan na naman ang punta mo?" sita ng kanyang ina. Wala naman ang kanyang Itay dahil mamayang konti pa ang dating.
"Inay, pupunta lamang ako ng Maynila. May pupuntahan lamang ako na kaibigan."
"Aba, Baste, kung makapagsabi ka ng may pupuntahan ka lamang na kaibigan ay akala mo ba ay riyan lamang sa malapit ang Maynila! Aba! Malayo ang Maynila ha!" Pinili pa rin ng ina ni Sebastian na paalalahanan ang anak kahit alam nito na hindi nito mapipigil ang anak sa pag-alis.
"Inay naman. Ano ba ang magagawa ko? Kung nasa Maynila ang kaibigan ko?" pilosopong sagot niya sa ina.
"Huwag mo akong pilosopohin, Baste," ban
