Sebastian
Habang nasa sasakyan ay hindi niya maalis-alis ang ngiti sa kanyang labi. Paulit-ulit na nagre-rewind sa isipan niya ang sinabi ng magandang dalaga na isusumbong siya nito kay Mayor Sebastian. Malinaw na hindi siya nito kilala. Wala itong ideya na siya ang tinutukoy nitong Mayor Sebastian. Ano kayang magiging reaksiyon nito kung malaman nito na ang inaway niya ay ang mismong Mayor Sebastian na tinutukoy nito.
Red
Hindi niya akalain na may sasabay sa init ng ulo niya nang araw na iyon. Kung tutuusin ay dapat wala siya sa lugar na iyon dahil kailangan pa niyang magpahinga dahil may jetlag pa siya. Medyo masakit ang ulo niya. Uminom lamang talaga siya ng pain reliever para kahit paano ay mabawasan ang sakit. Oo, nagkaroon siya ng jetlag dahil kagagaling lamang niya buhat sa Kore
