Nakapikit man ay tila umiikot ang pakiwari ni Lanie. Nang marinig ang ingay mula sa malayo ay tila binarena ang kaniyang ulo.
Ouch.
Ang huli niyang naaalala ay magkakasama sila nina Mira. Ngunit ngayon ay tila nasa pamilyar na pakiramdam siya ng kaniyang kama at kuwarto.
Dahan dahan iminulat ni Lanie ang mga mata dahil maski madilim-dilim pa sa kaniyang kuwarto at may mangilan-ngilan liwanag ang nakakapasok mula sa siwang ng mga kurtina.
Nang tuluyan nang makita ni Lanie ang paligid ay nagulat siya na nakaupo sa katabing couch si Eric. Tila puyat ito at nangangalumata.
Nagkasalubong ang tingin nila.
Tumaas ang isang kilay ni Eric na tila nagtatanong.
Siya itong gusto magtanong kung bakit ito nasa loob ng kaniyang kuwarto.
Napalingon si Lanie sa gawi ng pinto at nakita ang bulto ng
