Ronoel
MABILIS lumipas ang araw. Isang linggo na ang nakalipas magmula n'ong dinala ako ni Bryson sa Resort nila sa Quezon. Talagang tinupad niya ang pangako niyang babawi siya sa 'kin. Naging extra sweet din siya na talaga namang nagpasaya ng puso ko. Isang araw lang kami do'n pero sinulit namin. Naligo kami sa dagat, nilibot ang kabuuan ng resort, at namangka rin kami. Dinala niya ako sa isang kweba at do'n na kami nagpalipas ng gabi.
Nang makabalik kami ng Manila ay magkabilaang tukso ang sinalo naming dalawa ni Bryson mula sa mga kaibigan namin. Pilit na pinapaamin ni Lyndon si Bryson kung naka-score na raw ba ito. Sinegundahan pa ni Glodie sa tanong n'ya sa 'kin kung nabasag na raw ba ang perlas ko. Hiyang-hiya ako sa mga oras na 'yon. Parang gusto kong kalbuhin si Glodie dahil sa
