SEB’s POV
“Anong nangyari sa anak mo?” tanong ni Simeon kay Anna.
“Iinom daw muna ng tubig. Naglakad lang sila ni Danica pauwi rito.”
“Pre, hindi ka makapaniwala na malaki na ang inaanak mo. ano?” Pilit akong ngumiti.
Halo-halo pa rin ang nararamdaman ko. Pero isa lang ang gusto kong gawin sa mga oras na ito, lapitan siya at ikulong sa aking mga bisig. Pero paano ko gagawin? Siya ang inaanak ko sa matalik kong kaibigan.
Pilit akong tumango.
“Hindi lang po malaki, maganda pa siya.” Sabi ng babaeng inakala ko kanina na anak nina Simeon at Anna. Sana ganoon na nga lang. Bakit si Sienna pa ang inaanak ko?
“Ano pang ginagawa mo rito? Pumasok na si Sienna,” sabi ng isa sa kainuman namin dito. Medyo bata pa siya kaysa sa amin ni Simeon. Narinig kong Kuya ang itinawag niya sa kaibigan ko.
