Nahihiya nang humarap si Karah kay Don Brixton mula nang muntik nang may mangyari sa kanila sa office room nito. Minsan na lamang silang magkita sa Dining Room sa umaga. Sinadya niyang hindi na sasabay sa almusal kay Ninong Brixton dahil parang nahihiya na talaga siya rito. Ganoon din ang Ninong niya – parang iniiwasan din siya nito. Ang laki ng epekto sa kanilang relasyon bilang magninong simula noong muntik nang may mangyari sa kanila sa opisina nito. Napansin niya ring laging gabi na itong umuuwi kapag may lakad, na para bang talagang nililibang ang sarili sa trabaho para makaiwas sa kanya. Kahit ang mga kasambahay ay napapansin na ang tensyon sa pagitan nila, lalo na si Manang Martha na minsan pa'y sinubukang kausapin siya tungkol dito – ngunit hindi niya alam kung ano ang sasabihin.
