Hindi inaasahan na sasama pala sa swimming namin ang mga magulang ni Nica.
Ipinakilala ito sa'min kanina pero isang tingin ko lang doon sa nanay ay alam ko na agad kung kanino nagmana si Nica.
Kapansin-pansin na malapit nga sa isa't isa ang mga magulang nina Yudz at Nica. Narinig ko na business partners daw ang mga ito sa isang negosyo nilang nasa malapit na siyudad.
Kaya siguro asang-asa itong si Nica na mapapansin ni Yudz dahil close ang pamilya nila.
Sorry na lang ito dahil ako ang magiging hadlang sa anumang binabalak niya.
Kasalukuyan akong naglalagay ng sunblock lotion upang makaligo na sa dagat nang may dumukwang mula sa likuran ko at pasimpleng tinakpan ng towel ang hita ko.
Mula sa kinauupuang lounger ay nagtataka akong napalingon at bumungad sa'kin ang kunot-noong mukha n
