"Wala kang karapatan na sabihan ako ng ganyan dahil wala kang alam! Kung papaniwalaan mo ang sinabi nila tungkol sa akin bahala ka! Wala kang alam! Wala!"
"Wala talaga akong alam dahil manloloko ka! Bakit hindi mo magawang sabihin sa akin? Kasi nakakahiya hindi ba? Nakakadiri na pinagsawaan ng ng iba ang katawan mo!" Galit na galit na sigaw ni Alistair sa kanya.
Binagsag ng makailang ulit ang puso ni Adelaide dahil sa mga sinasabi ni Alistair. Hindi niya akalain na makakaya siyang sabihan nito ng ganoong salita.
"Sa tingin mo ba ginusto ko iyon? Hindi. Sa tingin mo ba may pagpipilian ako? Wala. Kaya anong karapatan mo na pagsalitaan ako na para bang ang dumi-dumi ko!"
"Madumi ka naman talaga! Sige nga sabihin mo sa akin kung anong mararamdaman mo kung ang babaeng mahal mo ay pinags
