“Naku Miss Rachelle, buti on time kayo dumating.” bungad sa akin ni Julie nang makita niya ako na naglalakad patungo sa opisina ko.
Kumunot ang noo ko nang marinig ang kaba sa tono ng kaniyang pananalita.
“Bakit? May problema ba?”
Agad naman siyang napakamot ng kaniyang batok at saka alanganing tumango sa akin.
“Si Mr. Lim po kasi, gusto raw kayong ma-meet ngayon.”
“Si Mr. Lim? Eh hindi ba ay next week pa ang schedule ng meeting namin?”
Tumango naman si Julie.
“Oo nga po. Eh kaso, biglaan naman ang pagpapalit ng schedule niya. Bibiyahe raw kasi patungong Dubai si Mr. Lim, kaya kung maaari raw ay ngayon sana ang meeting sabi ng kaniyang secretary.”
Humugot ako nang malalim na hininga at naglakad papasok sa opisina ko. Inilapag ko agad ang bag ko sa lamesa. Muli akong humarap kay
