NASA LOBBY na sina Bea kasama sina Basty at si Ma'am Vicky. Hinihintay nila ngayon ang ama ni Basty na kausap daw si Doc. Santos sa office nito sandali. Nakatayo lang siya sa gilid ng binata habang ito naman ay nakaupo sa sofa katabi ang inang may kausap sa cellphone. Ang mga pinaglagyan ng gamit nila ay dinala na ng driver ng mga ito sa sasakyan.
"Ma, pwede bang sa loob na lang ng sasakyan natin hintayin si Papa?" tanong ni Basty na halatang naiinip na sa ama.
Kaagad tinakpan ni Ma'am Vickj ang mouthpiece ng cellphone saka tumingin sa kaniya. "Anak, ano iyon?"
"Mauna na tayo sa sasakyan."
"Anak, hintayin na natin ang papa mo. Mainit sa labas. Kakausapin ko lang ang lola mo," anito saka muling tinuon ang atensyon sa kausap sa kabilang linya.
Tila iritable naman si Basty na napalingon
