DINAOS ang kasiyahan sa harapan ng malaking bahay na moderno ang pagkagawa. Walang makikitang bintana sa unahan niyon kundi ang pinto lamang na mayroong kalaparan. Kahit saan siya tumingin sumasalubong sa kaniya ang mga bilugang mesa kung saan nakaupo ang mga nagsipagdalo. Nagkalat ang mga tagapagsilbi na papunta't paparito dala ang mga trey na kinalalagyan ng mga alak. Hindi na rin nawawala ang musikang naglalaro sa hangin na katamtaman lamang ang lakas. Ang ilang sa mga naroon ay nagkumpolan habang nakatayo't pinag-uusapan ang kung ano. Wala nga siyang nakikitang mga nakasuot lang ng simpleng damit. Hindi rin naman papasukin kapag hindi promal ang suot. Kung siya ang tatanungin hindi niya talaga gustong nagpupunta sa mga kasiyahan na katulad niyon.
"Nagugustuhan mo ba?" ang naitanong ni
