MABUTI na lamang naalis ang tensiyon sa mukha ni Aristhon sa pagdating ng kaniyang alalay na si Mikal. Kapag sila lamang na dalawa ang naroon sa kusina hindi malayong magalit ito sa kaniya sa pinagsasabi niya rito. Marami itong magagawa sa kaniya habang naroon sila kung gugustuhin talaga nitong iganti ang kulong ng dugong nararamdaman. Hindi malayong pagsamantalahan siya nito. Sinabi niya nga rin naman dito na maari nitong gamitin ang katawan niya kung kailan nito gusto. Ngunit hinid na nga mangyayari ang bagay na naiisip niya nang mga sandaling iyon.
Gumagawa ng hindi nagbabagong ingay sa sahig ang marahang paghakbang ni Mikal. Tuwid na tuwid ang paglalakad nito resulta ng nadaanan nitong pagsasanay bilang dating agent. Patai sa paglalakad ay naturuan ng disiplina na nadala na nga nito
