“Hello, Dad. Bakit ka napatawag?” bungad na sagot ni Seibas sa ama na nasa kabilang linya.
“Kinukumusta ko lang kayo, son. Any update tungkol sa pinapahanap ko sa inyo?” matigas ang boses ng kanyang ama, maawtorisado ngunit hindi naman ito galit.
“Dad, hindi madaling maghanap ng isang tao lalo na at nagtatago. Sa laki ng Spain nahihirapan kaming hanapin ang Hugo Perez na ’yon!” naiinis na tugon ni Seibas. Mahigit isang linggo pa lang naman sila sa Madrid pero heto ang kanyang ama, minamadali na sila.
Kung hindi lamang sa misyon, mas mahaba sana ang oras na kasama niyang nag-eenjoy sa bakasyon ang dalaga imbes na maghanap ng taong walang kàsiguruhan kung sino nga ba talaga ito.
“Just bear in your mind that you only have five months para hanapin si Hugo Perez.” paalala nito sa kanya, di
