Hindi na niya pinakinggan ang pagtawag ni Seibas sa kanya. Balak niyang pumwesto sa bubong ng kotse at sa bintana lang ang tamang paraan habang tumatakbo ito. Sa ganitong sitwasyon, natural na lumalabas ang kanyang galing sa pakikipaglaban. Ito ang gusto niya.
Maingat na nag drive si Seibas, kabado siya na baka mahulog si Maxime kaya kahit na napakabilis ng takbo niya ay alalay pa rin.
Hindi pa nga siya makakapwesto ng maayos sa pagsampa sa likod ng kanilang kotse ay napansin niya ang lalaking pilit lumilipat sa kanilang sasakyan. Kaagad kumulo ang dugo ni Maxime na makitang nakasampa na sa kanilang kotse ang isa sa mga lalaking sakay ng kotse na humahabol sa kanila.
Samantalang ang isang sasakyan ay nakaalalay dito. Dalawa na lamang ang nga lalaki ang natitira dahil napatay na niya an
