“Pa… nasaan ka ba ngayon?” umiiyak na tanong ni Amara habang kausap ang ama sa kabilang linya.
“Anak, patawarin mo na ako,” garalgal na sagot ni Mr. Mendoza. “Nakausap ko na si Mr. Rafael Marcellus. Bibigyan daw niya ako ng palugit, basta umatend tayo sa birthday ng anak niya. Kilala mo ba si Damon? Yung kaisa-isang anak ni Mr. Rafael.”
Napasapo si Amara sa noo. “Kilala?! Oo, kilalang-kilala! Pa, hindi ako pupunta sa birthday ng gagong ‘yon!” Galit na sabi niya. “Lagi akong binu-bully ni Damon sa school! Alam mo ba ‘yun, ha? Buti nga graduate na ‘yung mayabang na ‘yon!”
“Anak, pasensiya na… nadadamay ka lang sa problema ko. Pero, Amara, baka makulong ako—o mas masahol pa, baka ipapatay nila ako.” Nanginginig ang tinig ng ama, halatang takot at desperado.
Tahimik si Amara. Ramdam niyang
