Pagdating nila sa probinsya, sinalubong sila ng malamig na hangin at amoy ng bagong lutong adobo. Nasa labas na ng bahay si Aling Rosa, ang nanay ni Belle, na agad siyang niyakap nang mahigpit.
“Anak! Ang tagal ka naming hinintay!” halos maiyak na sabi nito. “Ang laki na ni Liran!”
“Miss ka namin, Lola!” sigaw ni Liran sabay yakap din.
Lumapit si Calix, medyo mahinhin ang ngiti. “Good afternoon po, ako po si Calix.”
Tinapunan siya ng tingin ni Aling Rosa, saka bahagyang ngumiti. “Ah, ito ba ‘yung sinasabi mong boyfriend, Belle?”
Kinabahan si Belle pero tumango. “Opo, Ma. Siya po si Calix.”
Tahimik na ilang segundo, bago muling nagsalita si Aling Rosa. “Pasok na kayo, baka magutom kayo. May niluto akong paborito mo.”
Napangiti si Belle — tanda na mukhang maayos ang unang impresyon ni
