Randy POV
Gusto ko nang mag-resign.
Ayoko na talagang makita si Calix, paano naman ang pride ko, ‘di ba? Lalo na’t siya ang boss ko. At si Chloe? Diyos ko, kung puwede lang akong mawala sa department na ‘to, matagal ko nang ginawa.
Actually, nag-leave ako ng isang linggo. Hindi dahil pagod ako sa trabaho, kundi dahil ayoko lang silang makita. Ayoko makita ‘yung malanding babae na ‘yon na sumira ng buhay ko.
Pero ayan, pagpasok ko ngayon, siya agad ang una kong nakita. Parang sinadya pa ng tadhana para asarin ako. Nakangiti pa, parang walang ginawang kasalanan.
Tahimik naman sa sales department, pero ramdam ko ang mga tingin nila sa akin. Alam kong kami ang pulutan ng mga chismis dito. ‘Yung tipong kapag lumapit ako kay Chloe, iisipin nila may namamagitan pa rin. Kapag umiwas naman ako
