“Wow, ganda ng gising mo siguro, ah!” pansin ni Nicole nang nakangiting pumasok si Bop sa opisina kinabukasan.
Naalala pa ng dalaga na halos magdamag silang nag-usap ni Junrel kagabi at kung anu-ano na lang ang pinagkakuwentuhan nilang dalawa kahit na nag-iinit na ang kanyang tainga at cell phone na nakakabit naman sa charger para hindi mag-zero percent battery.
“You can say that,” nakangiti pa ring tugon niya at inilagay sa drawer ang kanyang shoulder bag at umupo.
“Alam mo bang nasa pahayagan ka na naman at kasama na naman ang prime minister?” anitong inilagay sa ibabaw ng kanyang mesa ang diyaryo nito. Kuha iyon noong magkaharap silang apat nina Junrel, Martin at Luis.
“Oh, my God!” Nanlaki ang mga mata niya nang makita iyon. Hindi katulad noong una na malabo pero ngayon ay kitang-k
