‘Ano raw? Querida? (Dear?)’
Kinilig pa si Bop sa endearment na gamit ni Junrel para sa kanya. Pero hindi man lang ma-absorb ni Bop nang maigi ang biglang pagiging sweet sa kanya ng prime minister kanina nang makapagsolo sila nang kaunti at nang kahit sa napakaikling sandali lang sa party. Kailangan kasi nitong bumalik sa mesa nito at lalo na nandoon ang presidente ng Pilipinas. Mukhang magkasundo ang mga ito dahil panay ang tawa at ngiti nito habang nag-uusap.
Parang gusto pa niyang kiligin hanggang ngayon dahil pansin niyang panay rin ang sulyap at ngiti nito sa kanya pero nagpipigil lang siya dahil sa nasa public place siya at kasama pa si Martin. Pero ang halos hindi niya mapaniwalaan ay ang bigyan siya ni Junrel ng private numbers nito na hindi naman niya hiningi o naisip na importan
