- PETER PAN -
Biglang nahinto ang paghalik sa akin ni Leen. Napahawak ito sa paa niya at sigurado naman ako na ang malaking langgam na iyon ang may kagagawan kung bakit napapadaing sa sakit si Leen.
“Ano ba iyan, Peter? Bakit parang hindi naman langgam ang nasa kuwarto mo? Magpapatawag ako ng hotel staff nang matanggal ang kung ano mang nasa ilalim ng kama mo. Baka may halimaw na riyan sa loob eh.”
“Huwag ka na mag-abala. Tara, lumabas na lang muna tayo. Ako na bahala sa malaking halimaw na iyon pagbalik ko rito.”
Bago kami lumabas ni Leen ay napasulyap pa ako sa pinagtataguan ng malaking langgam na iyon. Napailing na lang ako sa ginawa niya sa aming dalawa.
*****
-PRINCESS WENDYRELLA-
“Naynay, puwede po bang dito na lang ako sa kuwarto mag-dinner?” Sana…sana pumayag si naynay.
“
