DAX’s POV
Napasalampak ako ng upo sa sofa kung saan madalas kaming naghaharutan ng aking baby. Okay lang na tawagin akong matanda dahil totoo naman iyon pero pagdating sa pag-ibig, napatunayan ko na wala sa edad iyon. Hindi basehan ang edad para hindi kami magmahalang dalawa ng aking baby.
Masaya pa kami kanina at ang ganda ng plano ko para sa araw na ito. Ngunit ngayon ang saya na nararamdaman ko ay isang daang porsyento naman ang hatid na kalungkutan.
“Kailan pa kayo may relasyon ni Kassy? Wala akong alam sa nangyayari sa inyong dalawa. Akala ko ay kasama mo lang siya rito sa bahay pero nagsasama na pala kayo na parang mag-asawa. Kaya ka pala umalis sa bahay dahil para magkasama kayo. Iyon ba ang dahilan, Dax? Hindi ka na iba sa akin pero sana sinabihan mo naman kami o kahit ako da
