DAX’s POV
Maaga ang plano kong gising dahil plano kong pumunta sa bahay ni Dougz para kausapin si Manang Minerva. Hindi pwedeng magtagal si Kassy sa bahay ng aking kapatid. Hindi naman si Dougz ang kumuha rito at si Manang Minerva lang.
Ako na ang nag-drive ng sasakyan dahil wala naman akong pasok sa opisina. Mabuti na lang at hindi talaga ako papasok dahil tinanghali ako nang gising. ‘Yung maagang paggising ang nangyari ay umaga na nakatulog sa kakaisip. Bakit ko ba laging naiisip si Kassy? Para akong bata na hindi nakuha ang gusto pero wala namang kukuha para sa akin. Malaki na ako kaya kayang-kaya ko na iyon.
“Good morning, Sir Padz! Coffee po?” ang boses ni Cinderella ang aking unang narinig sa araw na ito. “Bakit hindi po kayo nakasuot ng pang-office? Mukhang magbubulakbol po kayo
