CHAPTER 28
ISANG ARAW bago ang kasal nina Antheia at Frix ay hindi na siya pumasok sa klase. Si Teacher Nelson na lang muna ang humarap sa mga estudyante niya. Pinayagan siyang mag-leave ng kanilang head director dahil kasal naman ang dahilan ng kaniyang pagliban.
Nang araw din na iyon ay nakatanggap ng bisita si Antheia. Ang kaibigan niyang si Hera na ilang araw na hindi nagpakita sa kaniya. Nasa sala sila ngayon habang nakaupo sa magkatapat na sofa. Nakayuko si Hera at hindi makatingin sa kaniya habang siya naman ay seryosong nakatingin dito. Magkakrus ang kaniyang mga braso sa tapat ng dibdib.
Lihim niyang pinag-aralan ang itsura ng kaibigan. Aaminin niyang sobra siyang nag-aalala rito noong mga nakaraang araw na wala itong paramdam sa kaniya. Naiinis na nga siya ngunit na
