CHAPTER 27
KANINA PA pabaling-baling sa higaan si Antheia. Nakauwi na si Frix sa bahay ng mga ito at nag-text na rin na magpapahinga nga ngunit siya, ala-una na nang madaling araw ngunit hindi pa rin siya dinadalaw ng antok. Kahit anong ikot niya sa higaan ay hindi siya makatulog.
Panay kasi balik sa kaniyang isip ng mga nangyari kanina sa dining area. Pakiramdam niya ay nakadikit pa rin ang labi ni Frix sa kaniyang labi. Dama pa rin niya ang halik nitong puno ng ingat at pag-iingat. Ang tamis at lambot niyon at tila nadadama pa rin niya.
Hinawakan ni Antheia ang kaniyang labi upang damahin. Nakatulala siya sa kisame habang ang isip ay nandoon sa eksenang naghahalikan silang dalawa. Ang kaba ng puso niya, hindi na yata mawawala. May kung anong malikot sa kaniyang tiyan dahilan
