CHAPTER 26
NATIGILAN SI Antheia nang makita niyang may pamilyar na sasakyan sa tapat ng apartment niya. Lumakas ang kabog ng puso niya nang makita ang lalaking pakakasalan niya na nakasandal sa gilid ng kotse habang hawak ang cellphone at tila may tinatawagan. Nakasuot itong business suit kaya naman ang cool nitong tingnan sa pwesto nito. Napalingon naman siya kaagad sa cellhone niyang nasa gilid nang tumunog iyon. Pangalan ni Frix ang nandoon sa screen.
Kaagad siyang bumusina dahilan upang makuha ang atensyon nito at nagtagumpay naman siya. Umayos ito ng tayo saka tinigil ang pagtawag sa kaniyang cellphone. Miangat niyang pinarada ang sasakyan niya sa likod ng sasakyan nito. Nang makakababa siya ay kaagad siyang lumapit dito.
“Frix, kanina ka pa ba nandito?” tanong niya.
