“O, Celine, bakit namumula ka?” Bungad na tanong sa akin ni Pinky pagpasok ko ng CR.
“May sakit ka ba?” Tanong naman ni Madeline. Sinalat pa niya ang noo ko. “Mainit ka ah. Mukhang may sinat ka, Celine.”
“Wala to. Baka pagod lang kasi late na akong nakarating dito sa Baguio kagabi.” Pagkakaila ko kina Pinky at Madeline.
“Wag ka na mag-OT mamaya. Magpaalam ka na lang kay Roy. Baka lumala pa yang sinat mo.” Bilin ni Pinky.
Tumango na lang ako.
“Mauna na ba kami sayo o hihintayin ka na namin, Celine?” Tanong ni Madeline.
“Sige na. Mauna na kayo sa office. Pakikiramdaman ko pa ung tiyan ko.” Tugon ko. Hinawakan ko pa ang tiyan ko para mas maniwala sila sa sinabi ko.
"Dumaan ka na muna sa clinic mamaya bago ka bumalik sa office natin para makahingi ka ng gamot." Bilin ni Pi
