Chapter 39
Bumabalik na ang magandang pakiramdam ni Kara nang bumalik sa silid si Vlaire. Maayos na ang hitsura nito at mukhang gumaling na rin ang mga natamo nitong sugat.
“How are you feeling?” kaagad nitong tanong sa kanya nang maupo ito sa tabi ng kanyang kama.
“Hmm. Maayos naman,” sagot niya. Ngumiti si Kara.
“Puwede ba tayong mag-date ngayon?” tanong ni Vlaire.
Nagulat si Kara. “Maayos na ba talaga ang lagay mo?” tanong niya.
Tumango ito. “Yes.”
“P-Pero—” Bumuntonghininga si Kara. Nag-alala siya dahil baka bigla na namang may unatake sa kanila habang nasa labas. “Ano pala ang plano mo roon sa nanakit sa iyo?” tanong niya ulit.
Bahagyang natigilan ang binata. Sumandal ito sa upuan at huminga nang malalim. “Nothing,” agad nitong sagot.
“Hindi ka man lang ba maghihiganti?
