Tatiana
HINDI kaagad ako nakagalaw at tinitigang mabuti ang lalaki. Ibang-iba na ang itsura niya ngayon pero natatandaan ko ang mga matingkad na berdeng mga mata niya.
“How are you? Have you been living a good life?”
How can I live a good life when he has haunted me all my life?
Hindi ako nagsalita at nanatili lamang akong nakatingin sa kanya. Naroroon pa rin ang ngisi niya at hindi iyon nawawala. Kagaya ng natatandaan ko noon, nakakakilabot pa rin ang dala niyang presensya. Iyon nga lang, hindi ko maalis sa peklat niya sa mukha ang titig ko. Paano niya nakuha iyon?
“Ako? Masaya naman ako, pero hindi ko maaabot ang tunay na kasiyahan kung may mga salot pa rin sa buhay ko.”
Ikiniling niya ang ulo niya at tumingin sa akin. Pinagmasdan niya akong mabuti at bahagyang naglaho ang ngiti ni
