Pormal ang mukhang nakaupo si Apollo sa hospital bed at nakasandal ang likod sa headboard ng kama. Suot na nito nang maayos ang hospital gown. Sa stool sa tabi ng higaan ay nakaupo si Ahtisa. Ang kamay niya ay hawak nang mahigpit ng binata. Kanina ay sinubukan pa niyang hilahin ang kamay, pero ayaw siya nitong bitiwan at lalo pa nga nitong hinihigpitan ang pagtikom ng mga daliri nito sa maliit niyang kamay.
His grip was too firm, and his hand was so huge that it completely covered hers. Napabuntong-hininga na lang siya at hindi na tinangkang bawiin pa ang kamay. Napadako roon ang tingin ng mag-asawang Luther at Ruthie Altieri at sabay na lang na napailing ang dalawa.
Ang mag-asawa ay magkatabing nakaupo sa sofa. Si Ares ay nakaupo nang kaswal sa braso ng sofa. Sina Artemis at Athena ay
