Eksaktong patapos na ang huling subject sa umaga nang biglang tumunog ang speaker na nakakabit sa mga pader ng pasilyo. "We're giving out free lunch to all students; just present your school ID at the cafeteria," umalingawngaw ang announcement ng school staff sa buong eskuwelahan.
Nagulat ang lahat, pero nagpalakpakan at natuwa sa pa-libreng lunch ng Santa Barbara College.
“Ano’ng meron? Bakit biglang may pa-free lunch?” tanong ng estudyanteng nakaupo sa harapang hilera ng upuan. Si Ahtisa ay direktang nakaupo sa likuran ng silya nito.
Nagkibit-balikat ang kinausap nito. “Malay ko. Huwag na nating alamin kung bakit biglang gustong mamahagi ng libreng pagkain ng eskuwelahan. Matuwa na lang tayo. Dati nang si Ms. Manlapig pa ang head ng school, walang libre-libre. Nag-iikot pa iyon at n
