Next time na lang niya iisipin ang tungkol doon, kailangan muna niyang mapuntahan si Apollo. Hindi naman na siguro niya kailangan ng proteksyon ni Trinidad ngayon. Mabilis lang naman siya. Lumabas siya ng gate, at pumara ng taxi. Eksakto naman din kasing may dumaan sa harapan niya. Hindi binanggit ni Apollo kung saang bar ito nagpunta, pero nagpahatid siya sa bar na pinakamalapit sa bahay niya.
Sa parking lot ng bar ay namataan niya agad ang itim na Maybach ni Apollo kaya tiyak na niyang tama ang bar na pinuntahan niya. Baka pina-air transport nito ang pribadong sasakyan para lang madala nito iyon sa Santa Barbara. Mahal iyon, pero kung sa tulad ni Apollo ay balewala rito ang halaga ng pagpapa-airlift ng sasakyan nito.
“Dito na po ako. Salamat po.” Inabot na niya ang bayad sa driver, at
