Kinausap nito ang doktor sa kabilang linya. Pagkatapos ay napapabuntong-hininga ito, hindi makapaniwalang nakausap nito ang pinakamagaling na gastroenterologist sa buong bansa. Tapos ay tinurukan na nito si Apollo ng gamot. Hindi rin ito nagtagal at nagpaalam na.
Nang silang dalawa na lang ni Apollo sa loob ng VIP room ay tinampal niya ito sa braso. Napaigik ang binata dahil dumapo ang palad niya sa braso pa talaga nito kung saan itinurok ng doktor ang gamot.
“Honey, that hurts,” daing nito. He let out a small chuckle.
“Bakit ka kasi naglalasing? Ano ang problema mo?” pasikmat niyang tanong sa binata.
Hindi ito sumagot.
“Pipi ka ba? Sige, kapag hindi ka sumagot diyan, aalis na lang ako.” Tumalikod siya.
“Wait!” Humugot ito ng malalim na paghinga at nasapo ang ulo. Nahihilo pa rin si
