Why won't she go with him? Mas gusto ba talaga nitong piliing manatili sa loob ng klinikang iyon kasama si Dr. Eros Romani? Bakit? Paanong naging malapit kaagad sa isa't isa ang dalawa? Panatag agad ang loob ni Ahtisa sa doktor kahit hindi pa nito gaanong kakilala ang lalaki?
Paano kung sa likod ng puting coat nito, sa likod ng maamo nitong mukha, at malumanay nitong tinig, ay masamang tao pala talaga ito?
Napatiim-bagang si Apollo. Ramdam niya ang mariing pagkikiskisan ng mga ngipin niya, kasabay ng pagpulso ng mga ugat niya sa sentido at leeg. Nakatingin siya sa mukha ni Ahtisa, nakatitig sa mga mata nito. Pero matalim lang ang ibinabalik nitong tingin sa kanya.
Ang ganoong klase ng titig nito sa kanya ay nagpapakalam sa sikmura niya. It was a very unpleasant feeling.
Ginamit na niy
