“No, I’m not leaving without you. Kung aalis ako, ay sasama ka sa akin.”
Hindi makapaniwalang napatingin si Ahtisa sa mukha ni Apollo. Nagtatagis ang mga bagang nito at tila nakahanda itong manggulo. Anong kapalaluan iyon? Pero kumunot din ang noo niya nang makitang may sugat ito sa gilid ng labi at may pasa sa panga. Ano ang nangyari rito? Iniling niya ang ulo. Hindi na niya problema kung ano man ang nangyari rito. Wala na silang relasyon. Tapos na ang ugnayan nilang dalawa.
Napasinghap si Ahtisa nang lalong humakbang palapit ang doktor at mariing hinawakan ang kamay ni Apollo. Ang siste, nakahawak sa kanya ang CEO, samantalang nakahawak naman sa kamay nito ang doktor. At kung pagbabasehan ang pag-iigtingan at pagbulto ng hugis ng mga ugat sa likod ng kamay ng mga ito ay masasabi niyan
