Hah! Hinahamon talaga siya nito. Nginitian niya ang babae. “Puwede. Gusto mo ba?”
“Sige, gawin mo—ahh!” Naputol ang litanya nito nang lumagapak ang palad niya sa pisngi nito. Ang dami niyang nasasampal ngayong taon. May quota ba siyang hinahabol?
Namula ang buong mukha ng babae. “Did you just slap me in the face?” patili nitong tanong sa kanya.
“O, bakit hindi ka makapaniwala? Ikaw naman ang nagsabing gawin ko, ah? Madali akong kausap, alam mo ba? Kapag sinabing gusto, ay gagawin ko talaga,” aniya.
“You b*tch!” Itinaas nito ang kamay para gantihan siya ng sampal pero nasalag niya ang kamay nito.
Puno ng pagkabagot ang tinging ipinukol niya sa babae, at malakas itong pinitik sa noo.
Tumili ito.
“Elara!” Humiwa sa hangin ang baritonong tinig ni Apollo.
Namangha lang si Ahtisa n
