“Alam mo, kung wala ka namang makabuluhang sasabihin, maliban sa magbanggit ng underwear at pagdiriin na katawan lang ang habol sa akin ni Apollo, ay mabuti pang iwan na kita rito.” Pagkasabi niyon ay nilampasan na niya ito, subalit may sinambit itong katagang nagpaudlot sa paghakbang niya.
“Wedding gown,” sabi nito.
Hindi siya umimik, at hinintay ang karugtong niyon.
“The wedding gown you wore on your so-called wedding day was originally mine. It was the one Apollo and I had chosen together, meant for me to wear on our wedding day.”
Kumabog ang dibdib ni Ahtisa. Hindi iyon dala ng kaba, dahil hindi naman siya kinakabahan. Kabog iyon dahil sa pagkakatuklas niya ng isa na namang bagay na naghatid ng kirot sa kanyang dibdib. Nagngalit ang mga ngipin niya. Akala niya ay wala nang puwedeng
