“Elara? Why are you still here? At ano ang ginagawa mo sa tapat ng silid ko?” tanong niya rito.
Namilog ang mga mata nito nang makitang basang-basa siya. “Ano ang nangyari sa iyo?” tanong nito.
Mabilis niyang hinarang ang kamay nitong umangat at akmang hahawak sana sa dibdib niya. “Ibaba mo ang kamay mo,” aniya rito. “Or you can put your hands behind you,” dugtong niya.
Nakagat nito ang ibabang labi. “Apollo, puwede ba tayong mag-usap?” Nakikiusap ang tono ng boses nito.
Bago pa niya magawang sumagot ay tinapik na siya sa balikat ni Ares. “Mauna na ako sa loob. Give me the key card.” Binukas nito ang kamay.
Ipinatong niya ang key card sa palad ng kapatid at tinanguan ito.
Napatingin si Elara kay Ares, tapos ay muling tumingala sa kanya. “Hindi ba tayo sa loob ng silid mo mag-uusap?
