Si Apollo.
_____
UMIGTING ang mga panga ni Apollo sa pagdagsa ng emosyon sa buong katawan niya. Hindi siya makahinga dahil nagsisikip ang kanyang dibdib—kaninang-kanina pa nagsisikip ang kanyang dibdib. Kanina pa mula nang alisin ni Ahtisa ang kamay niyang nakayakap sa baywang nito. Dahil kanina pa siya gising. Mulat na mulat ang diwa niya, habang pinipilit ni Ahtisa na kumilos nang mabagal at tahimik.
He was a light sleeper. Kaya sa unang paggalaw palang ni Athisa ay nagising na ang diwa niya. Nang inalis nito ang kamay niyang nakayakap sa baywang nito, at ang paa niyang nakapatong sa binti nito, ay alam na agad niyang may balak itong iwanan siya.
Kahit ang kaliit-liitang kaluskos ay dinig na dinig niya. Ang pagbukas ni Ahtisa sa drawer, ramdam niya iyon. Ang maingat nitong pagbibih
