Alumpihit pa rin sa kinauupuan si Ahtisa. Nakahinga lang siya nang bahagya nang marinig ang pag-andar ng makina ng bus. “Hay, salamat naman,” usal niya. Mayamaya lang ay umusad na ang sasakyan. Ang tunog ng mga gulong na gumagalaw sa kalsada ay nagbibigay ng kakaibang katiwasayan sa dibdib ng dalaga.
Saka niya lang napansing naninigas pala ang linya ng mga balikat niya. Pinatigas ng gumagapang na tensiyon sa parteng iyon. Nagbuga siya ng hangin at bahagya nang ibinagsak pababa ang tensiyunadong mga balikat. Kapag nagkita na sila ng kaibigan niya sa Iloilo ay saka na niya poproblemahin ang mga gamit at damit na kailangan niyang bilhin. Ang importante lang sa kanya ngayon ay makarating siya ng port at makasakay na sa ferry boat.
Habang pabilis nang pabilis ang takbo ng bus ay paluwag nama
